YubiPapiamentu

Yubi Kirindongo Rebelde di Alma I Kurpa

Yubi Kirindongo, íkono kultural di Kòrsou

Yubi Kirindongo ta nase dia 24 di yanüari 1946 na Willemstad. E kabuya di lombrishi rondó di su garganta kasi ta chok’é. Sigun e artista, esaki ta splika su energia indomabel. Mester tabata un empuhe enorme di adrenalina ku a ten’é na bida, pasombra e bida ku a sigui ta turbulento i fasinante.
Ku su diesnuebe aña, despues di un adolesensia duru, sin tata, Kirindongo ta sali komo ‘stowaway’ pa Europa riba un barku di karga. Komo vagamundo e ta rekorí Europa, bibando na margen di sosiedat. Komo outodidáktiko el a kuminsá pinta i ta
deskubrí ku e por duna forma na su propio liberashon i desaroyo atrabes di arte.Di regreso na Kòrsou e ta desaroyá su mes komo un di e artistanan mas konosí i sosialmente involví di e isla. E ta boga pa kambionan sosial i mas envolvimento sosial di parti di e komunidat pretu. Su frustrashon ku no ta balorá su rumannan afro-karibense sufi sientemente – desmentí nan kultura – i su rabia kontra sushamentu i e destrukshon ekológiko di su isla stimá ta fuente di inspirashon pa su desaroyo artístiko.
Yubi Kirindongo ta traha ku material ku tur hende ta tira afó. Un tempu Yubi mes tabata ‘sushi’, awor e ta bolbe usa e sushi aki i ta traha eskultura kuné. E ta rondia riba e isla i ta hiba tur loke e por usa na su kas ku e mes a traha, su tayer i kurá di
eskultura. E artista tin un talento inkansabel pa kombiná tur kos ku tur kos. Su arte di resiklahe di bùmper di outo di kromo ku a benta afó ta dun’é fama internashonal. E artista glamoroso i den kontramina aki ta un íkono kultural pa Kòrsou ku su
kolekshon impreshonante i diverso di obranan. Es ku ke sa mas di arte kontemporaneo di Karibe no por keda sin not’é. Na diferente okashon a koroná Yubi Kirindongo internashonalment pa su trabou.

€24,95

Leverbaar